الخميس، 27 يونيو 2013

شيلات ابناء قبيلة شمر

‏​شيلة الشمري بالنمسا
http://t.co/LA2gYZRCV4
رد عليه شمري بامريكا
http://t.co/9bFXW2AbYN
رد عليهم شمري بحايل
http://cutt.us/4pXe

الثلاثاء، 25 يونيو 2013

إهداء الى صاحب السمو الامير بدر بن محمد بن سعود الكبير


إهداء الى صاحب السمو الامير بدر بن محمد بن سعود الكبير كلمات الشاعر محمد عامر ال معروف الصيعري أداء المنشد حسن ابو فارس متابعة وتنسيق محمد سالم دعيسان الصيعري مونتاج زايد العتيبي

رابط الشيلة
http://youtu.be/ZkyA8Unv1vg

ياساري الليل



شيلة ياساري الليل
كلمات الشاعر
محمد بن لقفص العمري

أداء المنشد
صالح الحوالي

 هذا العمل منقول من قناة الصحراء الفضائية

http://youtu.be/Dosb-M-oBGk


الخميس، 20 يونيو 2013

من لاحسب قبل النسب معدن الخال لاينشـد المولـود مـن ويـن عيبـه


قصيدة كل بيت فيها يساوي قصيده لحالها ،،،

يالعبد لو ميزت فـي كـل الاحـوال
عرفـت ويـن المخطيـه والمصيبـه

وعطيـت وافِ الحـق قـدام ينقـال
مخطي وتصبـح بيـن شـكٍ وريبـه

الحق ما يَزعَـل مِنـه غيـر الانـذال
اهل الردى وأهل الوجيه الغضيبـه

دام السريره صافيـه فأنـت رجـال
وليـا دخلهـا غـش والله مصيـبـه

الحر لو ماحـط لـه بشـت وعقـال
يكفيـه بيـن النـاس فعلـه وطيبـه

وراع الردى لو بأجمل اللبس يختـال
تلقى الـردى مابيـن كمـه وجيبـه

ومن لاكسب كلمة نِعم بيـن الاجيـال
يكسب بدلهـا ياهـل العِـرف خيبـه

ومن لا شرب لمواجه الوقت فنجـال
يقضي العمر بيـن الطمـان وشعيبـه

ومن لاتحدى في الزمن بحرالأهوال
اللـول والمرجـان ما هـو نصيـبـه

من لاحسب قبل النسب معدن الخال
لا ينشـد المولـود مـن ويـن عيبـه

ومن لادفع في ما قف الربـع مثقـال
لا ينتظـر تعطيـه ربـعـه زبيـبـه

ومن لاطلب للمشكلـه نـاس عقـال
يجيـه مـن عميـان الأريـا كتيبـه

ومن لاحفظ سَمْعه عن القيل والقـال
تلقـى ورم مخـه نميمـه وغيـبـه

ومن داس عرض الناس لوكان بالمال
من عرضه المصيون دفع الضريبـه

ومن لاحسبها صح في عمر الاقبـال
ماهـو بحاسبهـا ليـا صار شيـبـه

سمعـت ما قالـوه قبلـي بالامـثـال
من لا كسـب كلمـة نِعـم وش تبيبـه

جنب عـن الرديـان وكبـار الأزوال
وتلقى من أهل الخير من تعتزي بـه

هذي نصيحه كان ما أعطيتهـا بـال
أتضيـع بيـن المخطيـه والمصيبـه

خمسات تميز وأداء

خمسات هو موقع خدمي يجمع ما بين الشباب العربي المستعد لتقديم الخدمات المصغرة، و بين فئة المشترين المستعدين لشراء هذه الخدمات.

http://offers.hsoub.com/offer/1306672484350868/1306044147114615

شيلة الدواكيك جديد المنشد عبدالغني المحمادي



شيلة الدواكيك جديد المنشد عبدالغني المحمادي كلمات الشاعر ضيف الله سعود الحصني الحربي 
وحرص المنشد عبدالغني المحمادي على تلبية أذواق متابعيه وخصص لك متذوق مطلبه 
لتشمل شيلة الدواكيك على الإيقاع وبدون إيقاع ومسرع 

ويسعدنا دعوتكم لمتابعة شيلة الدواكيك على الرابط التالي

الدواكيك إيقاع

الدواكيك بدون إيقاع

الدواكيك مسرع

ملاحظة : صوت الربابه صوت بشري وليس موسيقى 


الثلاثاء، 18 يونيو 2013

ورد الأشواق

ودعتك النسناس ، ياورد الأشواق
كرامتي تحكم علي .. بأنصرافـي

قطفت منّك ما تهيّا ، وما لاق
ورميت باقي ذكرياتك .. خلافـي

أفرح إذا شفت الفرح في محياك

أفرح إذا شفت الفرح في محياك
وتضيق بي الدنيا إذا شان بالك
أعطيك عمري يا عسى من فداياك
وشـ هي حياتي ما تساوي رضالك
جعل الولي يا صاحبي دوم يرعاك
وجعل الفرح في كل الأيام فالك

ياشين ضيق الحال لا أقفى بك الحظ

ياشين ضيق الحال لا أقفى بك الحظ وجاك الزمـن المر عكـس الهقـــاوي لاصرت تاقف غصب وتطيح بالارض وتكن ضيق الصـدر والا أنت قاوي

الاثنين، 17 يونيو 2013

ياللي غلاك

                              

ياللي "غلاك" يفوق (الروح والعين) ،،
على اللقا عطني على العهد يمناك ..

بمشي معك لوكنت مدري على وين ،،
ما تنفصل عن خطوتي تالي خطاك ..

حظي يكون القلب منصوف "نصفين"،،
( نصف) يحبك ( ونصف) ملزوم " يهواك
                       

الأحد، 16 يونيو 2013

‏​‏​لاتـتـصـل بي..?

‏​‏​لاتـتـصـل بي .. دام غيري .. مــسلـيـك ..
ما أقدر أكون بــ/ دنيتـك شخص عادي ..

امـــا تجي كلك .. وفـــاء .. عـند مغلـيك
وأبشر بقلب ٍ .. مـــــــا يخــــون الودادي ..

وإن كان غيري يعجبك حيل .. ويرضيك
كلن على كيـفه .. بــ /حـسـب إعتقادي ..

خلــك معه .. يـــــاجعل ربـــي يخـليـك ..
من يتبع المقفين .. قد قيل .. ( غادي ) ..

ماعندي .. إستعداد .. أساير خطاويك
وأتبع .. دروبك .. وأنت ناوي البعادي ..

أرحل عن عيوني .. عسى الله يخليك
والله مانت بـكفووو .. تملك فـــؤادي ..

خلاص انا قررت من دنيتي ألغيك
من صد عني قلت له .. ( شئ عادي ) ..

الجمعة، 14 يونيو 2013

ما يكسر عــزوم الرجـال الا الغــرام

ما يكسر عــزوم الرجـال الا الغــرام
ولا يلعــب بعقل الفهيــم الا الحــريـم
ولا يحفظ أحوال الشباب الا الصيام
ولا يكـره الفعــل الرذيل الا الحـشيم
ولا يكـثـر همـوم العبــاد الا الحــرام
ولايحس بأحوال الصحيح الا السقيم
ولا يعـز من قدر الذليـل الا المشــام
ولا يمــدح افعـال الذميـم الا الذميـم
ولا يبهج الوجه البغـيض الا السـلام
ولا يغض عـن زلــة لئيــم الا الحلــيم
ولا يوصف أخلاق الرجال الا السنام
ولا يوصـف دموع الهـوان الا اليتـيم
ولا يـوصف الأخ ﻟ أخـوه الا الحـزام
ولا يوصف إذلال العزيز الا الجحيـم
ولا يخف من ظلم الظلوم الا الــمنام
ولا يبوح بعيوب الصديق الا الخصيم
ولا تقول من تقـرأ القصيد الا كــلام
ما يجهـل القول الثمــين الا الغـشـيم

الصمت زينه والحكي سيف محدود

الصمت زينة والحكي سيف محدود
والحقد غيمة والتباغض بردها

فكر وميز وأعرف البيض والسود
واحذر قلوب الحاسدين وحسدها

‏​‏​‏‏​‏​‏​أن زان لـك وقتـك تخـيـر بالأصـحـاب

‏​‏​‏‏​‏​‏​أن زان لـك وقتـك تخـيـر بالأصـحـاب
وان شـــان وقـتــك كـلـهـم مايـبـونـك

أن جيتـهـم قـامــو يـحــدّون الأنـيــاب
وان رحــت عنـهـم بالقـفـا يشذبـونـك

لا..دبّـــرت دنـيــاك والـحــظّ مـاطــاب
الـنـاس لا..مــن طـحـت مايرحمـونـك

أهل السيوف اللـي يقصّـون الأرقـاب
أمّــــا كـفـاهــم واقــعــك يـظـلـمـونـك

لا..تـامـن العـقـرب ولاتـامـن الـــداب
الـسـمّ واحــد لا..رقـــا فـــي مـتـونـك

يـاجـاهـل الـدنـيـا ودورات الأســبــاب
أعرف ترى من خـان غيـرك يخونـك

لو كان لك ربـع(ن) مواليـن واحبـاب
لابــدّهــم عــقــب الــغــلا يـنـكـرونــك

وقـت(ن) يشيّـب بالمخاليـق مـاشـاب
أســأل رجــال(ن) جـرّبــو يخـبـرونـك

واحــذر تـخـاوي كــل هـافـي وكــذّاب
أهــل الـــردى بطبـوعـهـم يطبـعـونـك

أرفـع مقامـك عـن ردييـن الأ نـسـاب
لـو شفتهـم فــي حضـرتـك يمدحـونـك

فارق ثراهم وارق فـي راس مرقـاب
أبعـد عـن الـلـي لونـهـم غـيـر لـونـك

خــلاّن مــال ومالـهـم ربــع واقــراب
لاقــــلّ مــالــك عــدّهــم يـكـرهـونــك

أعتاض فيهـم مـن طويليـن الأشنـاب
الـلـي الـــى مـــال الـدهــر ينفـعـونـك

لاصـكــتــك دنــيـــاك وافـــتـــرّ دولاب
بــانــت مـواقـفـهـم ولا يـرخـصـونــك

هــذا رفيـقـك مــن قريبـيـن واجـنــاب
ذخـرك وهـم فــي واجـبـك يذخـرونـك

عنـدك قريبيـن (ن) ولـو قلـت غـيّـاب
علـى صـدى صـوت النـدى ياصلونـك

ياللـي سمـعـت العـلـم لاتفـتـح الـبـاب
لاتنحشـر فـي شــي مـاهـوب شـونـك

ربعك ألى من شفتهم صـارو احـزاب
وتـشـاورو بـالــراي والـعـلـم دونـــك

لاتـبـدي بـرايـك عليـهـم ولــو صـــاب
لو صحت باعلى الصوت مايسمعونك

ومـن لاحسبّلـك لاتسـوي لـه حـسـاب
لو كان يسوى وحدة(ن) مـن عيونـك.

الخميس، 13 يونيو 2013

فجر الوداع

فجر الوداع

كلمات الشاعر
ابو باسل

ألحان وأداء
حسين العمري
( ابو وافي )

مونتج منفذ
زايد العتيبي
رابط الفيديو 
 
ما عاد لك في القلب قدر وقيمة
روحي عسى دربك سموح وتساهيل

إن كان قربك هـمّ بُعدك غنيمة
ما فادني حبٍ ولا ارجي المواصيل

أثر الجفاء شرعك وصدقي جريمة
وأعذارك أقبلها على العدل والميل

حبٍ به الأشواق خرسا عقيمة
وصدري لخيبات الرجاوي مداهيل

كف الجفاء بأقسى المواجع كريمة
مثل السهر بعيون من يعشق الليل

وجفن الهوى دمع المفارق نديمه
ضامي الخدود يعلها الدمع و يسيل

يموت بعيون الضماء حلم ديمة
وتنبت على شفاة الحزين المواويل

فجر الوداع اللي تلاشى سديمه
يا محرقٍ بالحزن صدر المناديل

أشرق وصرنا ذكرياتٍ قديمة
واستودعك ربي ترى ما بقى حيل

قل لاكحل العين تكفا يا اخو نـوره


قل لاكحل العين تكفا يا اخو نـوره
من بادي الوقت وهذا طبـع الايامـي
الوقـت جبـار والأحيـاء مجبـوره
أقفت وهي ضاميه وأقفيت انا ضامي
الوصل مرفوع والحيـلات مجـروره
والبعد مجـزوم والتوديـع الزامـي
كني وكنهـا بليلـن وجههـا نـوره
داخل أميه يـوادع غوطـة الشامـي
كنها وكنـي بليلـن دمعهـا جـوره
كلمة خلافه توادع منصـب اسلامـي
أنثى تثنـى مـن الأثنـاء مغـروره
الخصر صوام والمردوف ماصامـي
مجمع بني نوح جا في وجه سنيـوره
في خدها سامي وفي طرفهـا حامـي
لاقالت ابصم على حبـي ودستـوره
أبصم وتقرا اسمها في بصمة ابهامـي
وان قالت أكتب قصيدن فيه لي صوره
أكتب علـى بابهـا والنـاس نيامـي
يا غايتن من ورى ذا الباب مستـوره
في بيتنا مرمي وفـي بيتكـم رامـي

الأحد، 9 يونيو 2013

واعذابي كل ماليلي دنا

واعذابي كل ماليلي دنا
اشهق الآهات وازفرها انين

من يفارق له حبايب وخدنا
لاتلومونه اذا امسى حزين

ليلة موادع ولافيها سنا
اظلمت بي يوم قالو راحلين

اتركوني للمواجع والعنا
والهموم وذكرياتي والسنين

والجروح سيوف وحراب وقنا
من يدين الهاجرين الصاملين

وزعوها في وسط صدري هنا
طعنتين .. وطعنتين .. وطعنتين

وش جنا قلب المعنى وش جنا
غير بُعدٍ يقتل امال الحنين

الوهن والسقم وانواع الضنا
والقهر والوجد وفراق الضنين

تنهش بقلبي من البارح وانا
احتسب واصبر عسى ربي يعين

كل ماضاقت اقول الله لنا
يا آلهي .. يامعين الصابرين

الصدور تضييق لو قيل دهنا
والفراق يليّـن القلب المتين

هكذا الدنيا نهايات وفنا
افترقنا ذا يسار وذا يمين

مااهتنا القلب المشقى مااهتنا
ولا دله مثل السلاه الدالهين

حاول يخبي ولكن ماكنا
ليلة بأحداثها باح الكنين

ليلةٍ فيها الاحاسيس سجنا
لاعفو يصدر ولا يفرج سجين

عاشقٍ لاقرّب الليل ودنا
يصدر الآهات ويجر الونين

عاشقٍ .. من ودع احبابه طنا
حي .. لكن في عداد الميتين




تعال وانظر في محبك و مغليك
لالا تغلا لعنبوا حي من جاك

الشوق يذبح والمشاعر تغنيك
علئ لحون الشوق والشوق غناك

اما تجي والقلب حبك و يغليك
والا تروح وعاشقك ما تناساك

لاني عطيتك عهد  والله ما اخليك
وانت وضميرك والمشاعر تحراك

الذنب ذنبي دام قلبي يراعيك
لو اني نهرته ماتمنيت لاماك

مير البلا طيحت محبك و شاريك
لو انها بالكيف باعك و خلاك

مادام صار القلب و العقل يرجيك
يرحم قليبك قدر الشوق لا جاك

ماني مكابر و المشاعر تناديك
ارفق بحال اللي ليا جيت لباك

مادام قلبي في عروقه مخبيك
انا و قلبي و الليالي طالبناك

 

التطبيقات الخاصة بالتواصل الإجتماعي

شارك