http://youtu.be/fdlLtrr_r3o
كم راح من عمري وانا ودي اتوب
ولولا الهوى والنفس كان امس تايـب
عشرين عام أمني النفـس بالتوب
لين اكتشفت اني مع الوقـت شايب
راحـت حياتـي بيـن طالـب ومـطلوب
ولي خاطرن لو طبت ماهو بطايب
واخاف من يـوم بـه الـمـوت مكتـوب
لاحـولـوا بـي بـيـن عوج النصـايـب
في منزل مظلم عن الناس محجـوب
محجـوب حـتى عن نـسيم الهـبـايب
وصارالكفن يا ناس يغنـي عن الثـوب
وفارقـت ربـعي والأهـل والـقـرايـب
ماعاد فيهـا جـاه وأمـوال وسلـوب
ولاعاد فـيهـاحـب خـشـم وطلايـب
خدعنـي التـسـويف وأغرتنـي دروب
مـن يـامـن الدنيـا وغـدر النـوايـب
يالله يــافـارج عـلـى كـل مـكـروب
يـاواحـدٍ بـامـرك تـهـون المصـايب
يـامـن تقلـب بيـن أصابيعـك قـلوب
خلقتها مـن بـيـن صلـب وتـرايـب
يـاغافـر لمـن جالـك وكـلـه ذنـوب
عبـدٍ ضعيـف وجـاك تـايـب ونـايـب
يـارب لـوقلبي صخـر عندك يـذوب
يـامـن لهيبتـك الجـبــل خــر ذايب
أتـوب ثـم اعـود واعـود واتـوب
ماهـي عجيبة وانـت رب الـعـجـايـب
من المهـد للحد ترى الوقت محسـوب
مـاضاع شـي وما بقـى شـي غـايب
يـارب مالـي غـيـر رحمتـك مطلوب
من لي سواك إن جيـت يارب تـايب
كـم راح مـن عـمري وانـا ودي اتـوب
ولولا الهوى والنفس كان امس تايب
الليالـي تـوْدِع العاقـل هبـيـل
والامـور اليـوم سلّـم ياســلام
راح جيل ومقبـلٍ ياخـوك جيـل
يالله اني طالبـك حسـن الختــام
العزيـز يـذل ويعـــــــــــز الذلـيـل
والسباع تباع فـي سـوق النعـام
ودفتر الشيكات في مخبا البخيــل
ماظهر في حرب والا في ســلام
واللبن والزبد في بطـن الصميـل
ما اطعم الجايع ولا فطـر صيـام
وش يجيب (الدوم) لغروس النخيل
فرقهن فرق الكـرام مـن اللئــــــــام
ومن جلب لأهل الحسا تمرٍ حويل
علمـوه ان الهزيـلـه ماتـســـــــــام
حسبنا المولى وهو نعـم الوكيـل
عالـم النيـات خـلاق الأنـــــــام
مانبـي منهـم كثيـر ولا قليـل
ولا لنا مقصـد ولا غايـة مـرام
والحظيظ اللي يحسّـب للرحيـل
باكر ليا لف فـي متريـن خـام
مايفيـده لا خـوي ولازمـيـل
ولايفيـده لاخــوال ولاعـمـام
فانيـه والادمـي عابـر سبـيـل
اتـرك اللي فات وأنظـر للأمـام
والمهـايط والحكـي مالـه ذبيـل
مارفـع طامـن ولاطمـن سنـام
والشعير يكـال بشـوال وزبيـل
والذهب محسوب بالملــي جـرام
والكلام أحيان أحد مـن الصقيـل
يتلـف الأرواح ويقـص العظـام
والصبر طيب لـو انـه حنظليـل
والعفو والصفح من طبع الكـرام
استغلوا فرصة الشهـر الفضيـل
افتحوا صفحة محبـه وانسجـام
الفوز ماهو فوز كـورة وبالـوت
ولا شعـر ولا مـزايـن قبـايـل
الفوز والله توبة تسبـق المـوت
قبل الوداع وقبل شـد الرحايـل
الروح مثل المال والموت ساحوت
والموت مايفرق بقاصـر وطايـل
هذي نصيحة جد والعلـم مثبـوت
ولاخيـر فـي قـولٍ بليـا دلايـل
تغانمو الاوقات والوقـت موقـوت
الوقت مثل الظـل والظـل مايـل
يالي تخطط لك مشاريـع وبيـوت
في طاعة المعبود كيف انت قايل
نسيت بيت الآخرة وانت مبهـوت
ماعاد تنفعـك الحيـل والتحايـل
مجاورٍ لك عالـمٍ لكـن سكـوت
في ساعة فيها تشوف الهوايل
النصح واجب قبل لايفوتك الفـوت
النار يامسكين تعمـل عمايـل
قلته وانا مقصر لكن برفع الصوتً
يالي تبون الفـوز والشـك زايـل
الفوز والله توبةٍ تسبـق المـوت
قبل الوداع وقبـل شد الرحايل
هذا الزمن لاصرت مفلس / و طفران
فقير و الفقران ما أحدن / بصفه
يقل مقدارك و ألا عاد لك / شان
و تطرح من الكفه على حساب / كفه
إن جيتهم تلقى مهونه / و حقران
وإن رحت قالوا ياعساه / بمهفه
وتصير بعيون البشر شبهه / شيطان
و أنت العزيز اللي يشرف / ملفه
وإن كان عندك مال لو كنت / جبان
و لا فيك خير و في كلامك / مخفه
قالوا ماحد مثله بهالكون / ماكان
رجال طيب وفيه نخوه / و عفه
وتصير بعيون البشر شبه / سلطان
أحدن يخمه خم و أحدن / يضفه
لازم تكون مهايطي قدر / الامكان
لو راس مالك و العوض ثوب / دفه
أشتر و بيع و قول رابح / و خسران
لا تصير كنك أطرشن و سط / زفه
وترى الظروف بتجبرك بعض الاحيان
لكن. سقها. قدم. و النور / طفه
هذا زمنا غير عن كل / الازمان
كلن حسب مراد نفسه / و شفه
الحر يبقى حر لو الزمن / شان
و الرجل ياخذها من فعول / كفه