اضحك واداري عباد الله واجاملها
والله على نعمة الكتمان قايدني
دورت بالخلق ضايعها وعاقلها
ولالقيت اللي لامن ضعت يرشدني
حتى اللي بديته عن الناس بأكملها
راح وغدر ولاكنه معاهدني
مافيه احد يحفظ العشره ويبجلها
هذي الحقيقه وشكي مايراودني
ياللي جروحك عرفت شلون اعاملها
انا تعودت لاداعي تعودني
يااول سنيني وآخرها واجملها
الله معاك ومعي وابيك توعدني
لاجت ذكراي في بالك تأملها
شف وش كثر كنت بالتعذيب تجهدني
اليوم سلم على الصوره وقابلها
ماعاد فيني شعور لك يجودني
والله مدري انا من وين احصلها
من ضيم الايام او حظ معاندني
جتك الرساله وانا ماكنت ابرسلها
لكن هذي علومي يوم تنشدني
0 التعليقات :
إرسال تعليق